KQZ shpërndan materialin zgjedhor në të gjitha qendrat e votimit

10:26 | 13 Shkurt 2021
L G

Ka filluar shpërndarja e materialit zgjedhor nga depo qendrore e Komisionit Qendror të Zgjedhjeve (KQZ), për zgjedhjet që priten të mbahen këtë të diele.

Materiali i ndjeshëm zgjedhor është bartur sot në orët e hershme të mëngjesit nga depo qendrore e KQZ-së për në të gjitha qendrat e votimit, në secilën prej komunave përkatëse.

Zëdhënësi i KQZ-së, Valmir Elezi tha se ky material i ndjeshëm zgjedhor ku bëjnë pjesë edhe fletëvotimet do të përdoret për ditën e nesërme të zgjedhjeve, shkruan arbresh.info.

“Fletëvotimet janë shtypur në Slloveni. Bazuar në listën përfundimtare të votuesve me të drejtë vote janë 1 milion 794 mijë e 862 votues, por pavarësisht kësaj, KQZ ka shtypur më pak fletëvotime sesa numri i përgjithshëm i votuesve, janë gjithsej 1 milion e 617 mijë e 200 fletëvotime që janë shtypur përfshirë edhe ato rezervë”, tha Elezi.

Rrjedhimisht janë 117 mijë e 662 fletëvotime më pak sesa numri i përgjithshëm i votuesve./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm